特攝回憶 (1) - 咸蛋超人/鹹蛋超人

在人生出世以來, 咸蛋超人可算為最有印象的一套特攝影片及最愛之一，記得以前係叫超人。
最記得細個的時侯, 爸爸睇緊賽馬, 覺得很悶, 我同弟弟下齊轉台, 發覺有超人打怪獸, 由此,我就識有超人這位人物。

話明咸蛋超人, 緊係有其特徵, 因為咸蛋超人有一雙咸蛋眼呀嘛!! 哈哈....

以前小學的時侯(讀下午班), 返學前一定去辦館行一個圈, 因為想買心儀的食玩 (以前不是叫食玩)。唔好以為我好多零用錢, 係因為媽媽或爸爸會帶我返學, 買一些小食比我返學食, 咁大機會, 緊係買有得食有得玩的東西啦。以前食玩有固力果, 變形金剛,叮噹, 忍者小靈精等等。
關於咸蛋超人食玩呢就冇, 不過有咸蛋超人磁石片, 以前每張兩元, 都貴的, 最激氣唔係張張有超人樣的, 又唔可以買得多, 所以一有機會就去買, 印象中得幾張超人磁石。

食玩這個詞語來自日本，日文是しょくがん, 意思是盒裝零食再附有小型玩具。KINDER 出奇蛋可以叫做西方食玩, 而乖乖可算為香港食玩。

關於咸蛋超人商品的介紹, 我會於下一篇章介紹一下我所收藏的, 記得留意呀, 謝謝。